ජාත්‍යන්තර ඉස්ලාමීය සමුළුවට මහින්ද රාජපක්ෂ නෑ

මැලේසියාවේදී එළඹෙන මස 4වැනි දින සිට 6වැනිදා දක්වා පැවැත්වීමට නියමිත ජාත්‍යන්තර ඉස්ලාමීය සමුළුව සඳහා ශ්‍රී ලංකා ජනාධිපති මහින්ද රාජපක්ෂ මහතා සහභාගි නොවන බව දැනුම්දී ඇතැයි එරට ශ්‍රී ලංකා තානාපති කාර්‍යාලය පවසා තිබේ.

නොවැළැක්විය හැකි හේතුවක් මත මහින්ද රාජපක්ෂ මහතා එම සමුළුවට සහභාගි නොවන බවට පවසා තිබේ. මලයාසියාවේදී

දෙමළ ජාතිකයන්ව හමුදාවට බදවා ගන්නේ බලහත්කාරයෙන් - TNA

ශ්‍රී ලංකා මිලිටරි ඉතිහාසයේ පළමු වතාවට දෙමළ ජාතික කාන්තාවන් 100 කට වැඩි පිරිසක් හමුදාවට බඳවා ගැනීමට කටයුතු කළ බව බලධාරීහු පවසති.

හමුදාවට බැඳීම සඳහා අයදුම් කළ මුලතිවු සහ කිලිනොච්චි දිස්ත්‍රික්කවාසී කාන්තාවන් 300 කට අධික පිරිසක් අතරින් 109 දෙනකු සෙනසුරාදා පැවති උත්සවයකදී මෙසේ බඳවාගත් බව හමුදාව ප්‍රකාශ කරනා ලදි.

ව්‍යවස්ථාදායකය හා අධිකරණය යන ආයතන දෙකෙහි ගැටළු ඇති නොවීමට තේරීම් කාරක සභාවේ කටයුතු නතර කිරීම සුදුසුයි

අගවිනිසුරු ආචාර්ය ශිරාණි බණ්ඩාරනායක මහත්මියට එරෙහිව නඟා ඇති දෝෂාභියෝග චෝදනා විමර්ශනය කිරීම සඳහා පත් කළ තේරීම් කාරක සභාවේ විභාග කටයුතු නතර කරන ලෙස ශ්‍රේෂ්ඨාධිකරණය පාර්ලිමේන්තු තේරීම් කාරක සභාවෙන් ඉල්ලීමක් කරයි. 

ව්‍යවස්ථාදායකය හා අධිකරණය යන ආයතන දෙකෙහි අන්‍යෝන්‍ය සබඳතාවත්, ගෞරවයත් ආරක්ෂා වන පරිදි කටයුතු කළ යුතු බැවින් තේරීම් කාරක සභාවේ කටයුතු නතර කිරීම සුදුසු බව ශ්‍රේෂ්ඨාධිකරණයේ තීරණය වී තිබේ. 

විමල් රාජිත නුසුදුස්සන් වන්නේ කාරක සභාව රැස්වූ පසුවයි

අගවිනිසුරු ශිරාණි බණ්ඩාරණායකට එරෙහි දෝෂාභියෝග යෝජනාව විමර්ශණය සඳහා පත් කරන ලද පාර්ලිමේන්තු තේරීම් කාරක සභාවේ ඇතැම් සාමාජිකයින් අපක්ෂපාතී ලෙස ක්‍රියා කිරීමට ඉඩක් නොමැති හෙයින් එම කාරක සභාවේ කටයුතු අත් හිටුවීමේ අතුරු නියෝගයක් නිකුත් කරන ලෙස ඉල්ලා සිටින පෙත්සම් දෙකක් විභාග කිරීම කල් දමන බව අධිකරණය ප්‍රකාශ කළේය.