මිනිසා දේශපාලන සත්වයෙකියැයි වදාලේ බුදුන්ද ඇරිස්ටෝටල්ද

භික්ෂුන් වහන්සේ ඇතුළු පූජකවරුන් මන්ත්‍රී පදවි දැරීම වලක්වා ලීම සඳහා ආණ්ඩුක්‍රම ව්‍යවස්ථාව සංශෝධනය කළ යුතු බවට විජේදාස රාජපක්ෂ පාර්ලිමේන්තුවට ඉදිරිපත් කොට තිබෙන පෞද්ගලික මන්ත්‍රීවරයෙකුගේ යෝජනාවට පක්ෂ විපක්ෂ අදහස් මතුවෙමින් පවතී.
බෞද්ධ භික්ෂූන් පාර්ලිමේන්තුවට යෑම නිවැරදි බවත් ඊට එරෙහි වීම බටහිර රටවල උවමනාවක් බව ජාතික හෙල උරුමය පවසයි. භික්ෂුව පාර්ලිමේන්තුවට පැමිනීම නිසා රටේ ප්‍රශ්ණ විසදුන බවත් ඔවුන්
පවසයි.
මිනිසා දේශපාලන සත්වයෙක් බව කියාසිටියේ ඇරිස්ටෝටල්ය. ඒ නිසා ඕනෑම පුද්ගලයෙක් දේශපාලනය කල යුතුය. මෙම ඇරිස්ටෝලියානු තර්කයට අනුව භික්ෂූන් දේශපාලනය කලාට කම් නැත.

මෙම ප්‍රශ්ණයට මැදිහත් වූ අස්ගිරි පාර්ශවයේ මහා නායක අති පූජ්‍ය උඩුගම ශ‍්‍රී බුද්ධ රක්ඛිත මහ නාහිමියන් අස්ගිරි මහා විහාරය පිහිටුවා වසර 700 ක් පිරීම නිමිත්තෙන් පැවති රාජ්‍ය මහෝස්ත්සවය අමතමින් ප්‍රකාශ කලේ භික්ෂුවකට රටට සේවය කිරීමට නම් පාර්ලිමේන්තුවට යෑමට අවශ්‍යතාවයක් නොමැති බවයි. එනම් භික්ෂුවකට දේශපාලනය කිරීමට පාර්ලිමෙන්තුවට අනිවාර්යයක් නොවන බවයි.

ඇරිස්ටෝලියානු මතය තහවුරු කල  ජාතික හෙළ උරුමයේ නායක ආචාර්ය පූජ්‍ය  ඕමල්පේ සෝභිත හිමියන් ප්‍රකාශ කලේ මහනායක හිමි වරුන් ස්වාධීන පුද්ගලයින් නොවන බවත් මහනායක හිමිවරු ඍජුවම දේශපාලන කටයුතුවල නිරතවන බවත්ය.

කෙසේ නමුදු දැන් පෙනී යන්නේ භික්ෂූන් පාර්ලිමේන්තුවට යා යතුද නැද්ද යන කරුණ කෙසේ වෙතත් භික්ෂූන් දේශපාලනය කල යුතුය යන කරුණට සියළු පාර්ශව එකග බවයි. දැන් ගැටළුව වී ඇත්තේ භික්ෂූන් දේශපාලනය කරන ආකෘති පිළිබද ප්‍රශ්ණයකි.