වෛද්‍ය පර්යේෂණ ආයතනය මගින් පැවැත්වූවායැයි කියන පර්යේෂණ වල විශ්වාසය බරපතල ලෙස බිද වැටෙමින් පවතින්නේ වෛද්‍ය පර්යේෂණ ආයතනයේ පර්යේෂණ ලාංකීය අවශ්‍ය තාවයන්ගෙන් වියුක්ත්තව සංදර්ශනාත්මකව මාධ්‍ය වෙත ඉදිරිපත් කෙරෙන නිසායි. සමහර පර්යේෂණ ප්‍රතිඵල අන්තර් ජාලයෙන් ප්‍රසිද්ධ කරන ලද ඒවා මුත් වෛද්‍ය පර්යේෂණ ආයතනය මගින් සොයා ගත්තා ලෙස ප්‍රකාශයට පත් කරයි.
මීට මාස කිහිපයකට පෙර ප්ලාස්ටික් වතුර බෝතල් එක වරකට වඩා භාවිතය ශරීර සෞඛ්‍යයට අහිතකරයැයි වෛද්‍ය පර්යේෂණ ආයතනය තම පර්යේෂණ ප්‍රතිඵලයක් ලෙස පෙන්වා දෙන ලදි. නමුත් රජයේ කිසිදු රෝහලක නේවාසික ප්‍රතිකාර ගන්නා රෝගියෙකුට ඒ පිළිබද දැනුවත් කිරීමක් සිදු නොවුන අතර රෝහලෙන්ම වතුර බීමට ප්ලාස්ටික් බෝතල් ලබා දෙන ලදි. තවද සෞඛ්‍ය අමාත්‍යංශය මෙම මතය පිළිගත්තානම් ඒ වෙනුවෙන් වූ දනුවත් කිරීමට හානිය අවම කිරීමට වැඩපිළිවෙලක් සෑදිය යුතු නමුත් ප්ලාස්ටික් වතුර බෝතල් ප්‍රශ්ණය එසේ පුවතකට පමණක් සීමා විය.
තත්වය එසේ තිබියදී ජංගම දුරකථනවල මයිටාවන් සිටින බවට වෛද්‍ය පර්යේෂණ ආයතනය විසින් සිදුකළ පරීක්ෂණවලදී හෙළි වී ඇති බවට පසුගිය දිනවල වාර්තා විය. නමුත් ජංගම දුරකථනවල එවැනි මයිටාවන් සිටින බවට පළවන වාර්තාවල කිසිදු සත්‍යතාවක් නොමැති බව සෞඛ්‍ය අමාත්‍යංශය ප්‍රකාශකරන ලදි.
නමුත් මහජනතාව මෙහිදී වඩා කල බල යට පත්වී තම ජංගම දුරකථනයේ මයිටාවන් ඇත්දැයි බියෙන් පසුවේ. මයිටාවන් ඉවත් කරගැනීමට ජංගම දුරකථන අලුත් වැඩියා කරන්නන් ලග පොලිමේ හිදී. සෞඛ්‍ය අමාත්‍යංශය පවසන්නේ අපිරිසිදු ඕනෑම ස්ථානයක මයිටාවන් බෝ විය හැකි බවයි.
මෑත කාලීනව ජනතාව අසීරුවට පත් කරමින් ජනතාවගේ බදු මුදලින් පර්යේෂණ පවත්වන වෛද්‍ය පර්යේෂණ ආයතනය රට ඉල්ලා සිටින පර්යේෂණ ප්‍රතිඵල ඉදිරිපත් කල යුතුව තිබුනත් කලින් කලට මාධ්‍ය වෙත ප්‍රවෘත්ති මවන පර්යේෂණ කලාවකට මාරු වී ඇත් දැයි බරපතල සැකයක් මතුවන බව ජනතාව පවසයි. ශ්‍රී ලාංකීය ජාතිය ජාතික ආර්ථික වැඩ පිළිවෙලකින් ඉදිරියට ගෙන යා යුතු යුගයක දකින්නට ලැබෙන්නේ බොරු සංදර්ශණ ආර්ථිකයක් සේම අනෙක් ආයතනද එම බොරුවම පටන් අරගෙන තිබීම ජාතියේ අවාසනාවකි.
No comments:
Post a Comment