සේවයෙන් පහ කල විදුලිබල මණ්ඩල සේවකයින් වහා බදවා ගනු

විදුලිබල මණ්ඩලයේ සේවකයින් 100 ට අධික පිරිසක් සේවයෙන් පහකිරීමට එරෙහිව හා ඔවුන්ගේ සේවක අයතීන් මුල්කරගනිමින් දියත් කර ඇති මෙම වැඩ වර්ජනයට කඩිනම් විසඳුමක් ලබාදීමට ආණ්ඩුව පියවර ගත යුතු බව එක්සත් ජාතික පක්ෂ මහ ලේකම් තිස්ස අත්තනායක මහතා සඳහන් කරයි.

මෙම වැඩ වර්ජනයෙන් සමස්ත ජනතාවම පීඩාවට පත්වන අතර මුළු රටේම කර්මාන්ත ක්‍රියාවලිය අඩපණවීමට ඉඩ ඇති බැවින් එහි වගකීම ආණ්ඩුව භාරගත යුතු බවද  එක්සත් ජාතික පක්ෂය

නිවේදනයක් නිකුත් කරමින් ඒ මහතා පෙන්වාදෙයි.

අද මුළු රටම විරෝධතා කලාපයක් බවට පත්කර ඇති වත්මන් අණ්ඩුව සේවකයින්ගේ සාධාරණ ඉල්ලීම් ඉටුකරදීම මගහරිමින් සිටින බවට ද ඔහු චෝදනා කරයි.

වැඩකරන ජනතාවට මහින්ද චින්තනයෙන් ලබාදුන් පොරොන්දු එලෙසම ඉටුකර දී, සේවක කප්පාදුව ද නතරකර, වහාම ගින්නෙන් ඇවිලී තිබෙන රට යථා තත්ත්වයට පත්කරන ලෙස ආණ්ඩුවට බලකරන බව ද මහ ලේකම්වරයා සඳහන් කරයි.

මුළු රටම විනාශ මුඛයට ඇද නොදමා ලංකා විදුලිබල මණ්ඩල සේවකයින්ගේ සාධාරණ ඉල්ලීම් ලබාදීමටත්, සේවයෙන් ඉවත්කළ සියලුම සේවකයින් වහාම සේවයට බඳවාගන්නා ලෙසත් තිස්ස අත්තනායක මහතා වැඩිදුරටත් ඉල්ලා සිටියි.