මේවන විට කොළඹ කොටස් වෙළදපොළේ සියළු ගනුදෙනු කටයුතු වහාම ක්‍රියාත්මක වන පරිදි අත්හිටුවා තිබේ.
කොළඹ කොටස් වෙළඳ පොළේ මිලංක මිල දර්ශකය අද උදෑසන සියයට 5.0 කට වඩා පහළ යාම නිසා විනාඩි තිහක කාලයකට ගනුදෙනු අත්හිටුවීමට කොටස් වෙළඳ පොළ කටයුතු කළේය.
ඊයේ දිනයේදී කොටස් වෙළඳ පොළ ගනුදෙනු සියයට 2.7 කින් පහළ ගිය අතර මිලංක මිල දර්ශකය සියයට 5.0 කට වඩා පහළ ගිය අවස්ථාවල මීට පෙරද ගනුදෙනු පැය බාගයකට අත්හිටුවීමට කොටස් වෙළඳ පොළ ක්‍රියාකර තිබුණි.
2012 වසර වෙනුවෙන් ආණ්ඩුව ඉදිරිපත්කළ අයවැය අවුල් ජාලාවක්වීම නිසා ව්‍යාපාර ක්ෂේත්‍රය ඉදිරියට පවත්වාගෙන යාමේ බරපතළ අනතුරක් මතුකරමින් අද දින කොළඹ කොටස් වෙළදපොළ 5%කින් කඩා වැටින. උද්ගතවූ බරපතළ අනතුර මගහැරීමේ පියවරක් වශයෙන් වෙළදපොළ ගනුදෙනු පැය භාගයකට අත්හිටුවන ලදී.
මාස කිහිපයකට පෙර ආණ්ඩුව උදම් ඇනූවේ ලෝකයේ වේගයෙන්ම වර්ධනය වන දෙවැනි කොටස් වෙළදපොළ යන කීර්තිය ශ්‍රී ලංකාවට ලැබී ඇති බවයි. නමුත් එහිදී සිදුවූයේ ආණ්ඩු හිතවාදී ජාවරම් කරුවන් කිහිපදෙනෙකුගේ සමාගම් වෙනුවෙන් සේවක අර්ථසාධක අරමුදල වැනි අරමුදල් ආයෝජනය කර කෘත්‍රිම වර්ධනයක් ඇතිකිරීමය.
No comments:
Post a Comment