පළාත් පාලන ඡන්ද විමසීමේදී තරග කරනු ලබන කිසිඳු ස්වාධීන කණ්ඩායමක් පිළිගත් දේශපාලන පක්‍ෂයක විකල්ප කණ්ඩායමක් ලෙස හෝ එම පක්‍ෂයේ සැබෑ කණ්ඩායම ලෙස පිළිගෙන නැතැයි මැතිවරණ කොමසාරිස් මහින්ද දේශප‍්‍රිය මහතා ප‍්‍රකාශ කරයි. පිළිගත් දේශපාලන පක්‍ෂයකට හෝ අපේක්‍ෂකයෙකුට ස්වාධීන කණ්ඩායම් වෙනුවෙන් ස්වකීය ප‍්‍රචාරක කාර්යාල ලබාදිය නොහැකි බවද හෙතෙම නිවේදනයක් නිකුත් කරමින් ප්‍රකාශකර සිටියි.
මේ අතර, මේ මස 08 වැනිදා පැවැත්වීමට නියමිත පළාත් පාලන මැතිවරණයේදී ඇතැම් අපේක්‍ෂකයන්ගේ අංක යටතේ වෙනත් පුද්ගලයින් තරග කරන බව හ`ගවමින් ප‍්‍රචාරක කටයුතු සිදුකරන බවට ද පැමිණිලි ලැබි තිබෙන බවත් එය පළාත් පාලන ආයතන ඡන්ද විමසීම් ආඥා පනතට පටහැනි බවත් මැතිවරණ කොමසාරිස්වරයා සිය නිවේදනය මගින් කියා සිටියි.
කිසියම් අපේක්‍ෂකයෙකුගේ නමක් වෙනුවට වෙනත් පුද්ගලයෙකුගේ නමක් අදේශ කළ නොහැකි බවද ඔහු අවධාරණය කරයි.
No comments:
Post a Comment